பரிசுத்த வேதாகமம் ஆதியாகமம் அதிகாரம் 50 – Read Holy Bible Book Of Genesis Chapter 50 In Tamil With English Reference
1 - அப்பொழுது யோசேப்பு தன் தகப்பனுடைய முகத்தின்மேல் விழுந்து, அழுது, அவனை முத்தஞ்செய்தான்.
English:- Joseph Threw Himself Upon His Father And Wept Over Him And Kissed Him.
2 - பின்பு, தன் தகப்பனுக்குச் சுகந்தவர்க்கமிடும்படி யோசேப்பு தன் ஊழியக்காரராகிய வைத்தியருக்குக் கட்டளையிட்டான்; அப்படியே வைத்தியர் இஸ்ரவேலுக்குச் சுகந்தவர்க்கமிட்டார்கள்.
English:- Then Joseph Directed The Physicians In His Service To Embalm His Father Israel. So The Physicians Embalmed Him,
3 - சுகந்தவர்க்கமிட நாற்பதுநாள் செல்லும்; அப்படியே அந்த நாட்கள் நிறைவேறின. எகிப்தியர் அவனுக்காக எழுபதுநாள் துக்கங்கொண்டாடினார்கள்.
English:- Taking A Full Forty Days, For That Was The Time Required For Embalming. And The Egyptians Mourned For Him Seventy Days.
4 - துக்கங்கொண்டாடும் நாட்கள் முடிந்தபின், யோசேப்பு பார்வோனின் குடும்பத்தாரை நோக்கி: உங்கள் கண்களில் எனக்குத் தயவு கிடைத்ததானால், நீங்கள் பார்வோனின் காது கேட்க அவருக்கு அறிவிக்க வேண்டியது என்னவென்றால்,
English:- When The Days Of Mourning Had Passed, Joseph Said To Pharaoh's Court, "If I Have Found Favor In Your Eyes, Speak To Pharaoh For Me. Tell Him,
5 - என் தகப்பனார் என்னை நோக்கி: இதோ, நான் மரணமடையப் போகிறேன்; கானான் தேசத்திலே நான் எனக்காக வெட்டிவைத்திருக்கிற கல்லறையிலே என்னை அடக்கம்பண்ணுவாயாக என்று என்னிடத்தில் சொல்லி, ஆணையிடுவித்துக்கொண்டார்; நான் அங்கே போய், என் தகப்பனை அடக்கம்பண்ணி வருவதற்கு உத்தரவுகொடுக்க வேண்டிக்கொள்ளுகிறேன் என்று சொல்லுங்கள் என்றான்.
English:- 'My Father Made Me Swear An Oath And Said, "I Am About To Die; Bury Me In The Tomb I Dug For Myself In The Land Of Canaan." Now Let Me Go Up And Bury My Father; Then I Will Return.' "
6 - அதற்குப் பார்வோன்: உன் தகப்பன் உன்னிடத்தில் ஆணையிடுவித்தபடியே, நீ போய், அவரை அடக்கம்பண்ணிவா என்றான்.
English:- Pharaoh Said, "Go Up And Bury Your Father, As He Made You Swear To Do."
7 - அப்படியே யோசேப்பு தன் தகப்பனை அடக்கம்பண்ணப் போனான். பார்வோனுடைய அரமனையிலிருந்த பெரியவர்களாகிய அவனுடைய சகல உத்தியோகஸ்தரும் எகிப்து தேசத்திலுள்ள சகல பெரியோரும்,
English:- So Joseph Went Up To Bury His Father. All Pharaoh's Officials Accompanied Him-the Dignitaries Of His Court And All The Dignitaries Of Egypt-
8 - யோசேப்பின் வீட்டார் யாவரும், அவன் சகோதரரும், அவன் தகப்பன் வீட்டாரும் அவனோடேகூடப் போனார்கள். தங்கள் குழந்தைகளையும், தங்கள் ஆடுமாடுகளையும்மாத்திரம் கோசேன் நாட்டிலே விட்டுப் போனார்கள்.
English:- Besides All The Members Of Joseph's Household And His Brothers And Those Belonging To His Father's Household. Only Their Children And Their Flocks And Herds Were Left In Goshen.
9 - இரதங்களும் குதிரைவீரரும் அவனோடே போனதினால், பரிவாரக்கூட்டம் மிகவும் அதிகமாயிருந்தது.
English:- Chariots And Horsemen Also Went Up With Him. It Was A Very Large Company.
10 - அவர்கள் யோர்தானுக்கு அக்கரையில் இருக்கிற ஆத்தாத்தின் போர்க்களத்தில் வந்தபோது, அவ்விடத்திலே பெரும் புலம்பலாகப் புலம்பினார்கள். அங்கே தன் தகப்பனுக்காக ஏழுநாள் துக்கங்கொண்டாடினான்.
English:- When They Reached The Threshing Floor Of Atad, Near The Jordan, They Lamented Loudly And Bitterly; And There Joseph Observed A Seven-day Period Of Mourning For His Father.
11 - ஆத்தாத்தின் களத்திலே துக்கங்கொண்டாடுகிறதை அத்தேசத்தின் குடிகளாகிய கானானியர் கண்டு: இது எகிப்தியருக்குப் பெரிய துக்கங்கொண்டாடல் என்றார்கள். அதினால் யோர்தானுக்கு அப்பால் இருக்கிற அந்த ஸ்தலத்திற்கு ஆபேல்மிஸ்ராயீம் என்னும் பேர் உண்டாயிற்று.
English:- When The Canaanites Who Lived There Saw The Mourning At The Threshing Floor Of Atad, They Said, "The Egyptians Are Holding A Solemn Ceremony Of Mourning." That Is Why That Place Near The Jordan Is Called Abel Mizraim.
12 - யாக்கோபின் குமாரர், தங்களுக்குக் கட்டளையிட்டிருந்தபடியே,
English:- So Jacob's Sons Did As He Had Commanded Them:
13 - அவனைக் கானான் தேசத்துக்குக் கொண்டுபோய், ஆபிரகாம் மம்ரேக்கு எதிரே இருக்கிற மக்பேலா என்னும் நிலத்திலே தனக்குச் சொந்தக் கல்லறை பூமியாக ஏத்தியனாகிய எப்பெரோனிடத்தில் வாங்கின நிலத்திலுள்ள குகையிலே அவனை அடக்கம்பண்ணினார்கள்.
English:- They Carried Him To The Land Of Canaan And Buried Him In The Cave In The Field Of Machpelah, Near Mamre, Which Abraham Had Bought As A Burial Place From Ephron The Hittite, Along With The Field.
14 - யோசேப்பு தன் தகப்பனை அடக்கம்பண்ணினபின்பு, அவனும் அவன் சகோதரரும், அவனுடைய தகப்பனை அடக்கம்பண்ணுவதற்கு அவனோடேகூடப் போனவர்கள் யாவரும் எகிப்துக்குத் திரும்பினார்கள்.
English:- After Burying His Father, Joseph Returned To Egypt, Together With His Brothers And All The Others Who Had Gone With Him To Bury His Father.
15 - தங்கள் தகப்பன் மரணமடைந்ததை யோசேப்பின் சகோதரர் கண்டு: ஒருவேளை யோசேப்பு நம்மைப் பகைத்து, நாம் அவனுக்குச் செய்த எல்லாப் பொல்லாங்குக்காகவும் நமக்குச் சரிக்குச் சரிகட்டுவான் என்று சொல்லி, யோசேப்பினிடத்தில் ஆள் அனுப்பி,
English:- When Joseph's Brothers Saw That Their Father Was Dead, They Said, "What If Joseph Holds A Grudge Against Us And Pays Us Back For All The Wrongs We Did To Him?"
16 - உம்முடைய சகோதரர் உமக்குப் பொல்லாங்கு செய்திருந்தாலும், அவர்கள் செய்த துரோகத்தையும் பாதகத்தையும் நீர் தயவுசெய்து மன்னிக்கவேண்டும் என்று உம்முடைய தகப்பனார் மரணமடையுமுன்னே, உமக்குச் சொல்லும்படி கட்டளையிட்டார்.
English:- So They Sent Word To Joseph, Saying, "Your Father Left These Instructions Before He Died:
17 - ஆகையால், உம்முடைய தகப்பனாருடைய தேவனுக்கு ஊழியக்காரராகிய நாங்கள் செய்த துரோகத்தை மன்னிக்கவேண்டும் என்று அவனுக்குச் சொல்லச் சொன்னார்கள். அவர்கள் அதை யோசேப்புக்குச் சொன்னபோது, அவன் அழுதான்.
English:- 'This Is What You Are To Say To Joseph: I Ask You To Forgive Your Brothers The Sins And The Wrongs They Committed In Treating You So Badly.' Now Please Forgive The Sins Of The Servants Of The God Of Your Father." When Their Message Came To Him, Joseph Wept.
18 - பின்பு, அவனுடைய சகோதரரும் போய், அவனுக்கு முன்பாகத் தாழ விழுந்து: இதோ, நாங்கள் உமக்கு அடிமைகள் என்றார்கள்.
English:- His Brothers Then Came And Threw Themselves Down Before Him. "We Are Your Slaves," They Said.
19 - யோசேப்பு அவர்களை நோக்கி: பயப்படாதிருங்கள்; நான் தேவனா;
English:- But Joseph Said To Them, "Don't Be Afraid. Am I In The Place Of God?
20 - நீங்கள் எனக்குத் தீமைசெய்ய நினைத்தீர்கள்; தேவனோ, இப்பொழுது நடந்துவருகிறபடியே, வெகு ஜனங்களை உயிரோடே காக்கும்படிக்கு, அதை நன்மையாக முடியப்பண்ணினார்.
English:- You Intended To Harm Me, But God Intended It For Good To Accomplish What Is Now Being Done, The Saving Of Many Lives.
21 - ஆதலால், பயப்படாதிருங்கள்; நான் உங்களையும் உங்கள் குழந்தைகளையும் பராமரிப்பேன் என்று, அவர்களுக்கு ஆறுதல் சொல்லி, அவர்களோடே பட்சமாய்ப் பேசினான்.
English:- So Then, Don't Be Afraid. I Will Provide For You And Your Children." And He Reassured Them And Spoke Kindly To Them.
22 - யோசேப்பும் அவன் தகப்பன் குடும்பத்தாரும் எகிப்திலே குடியிருந்தார்கள். யோசேப்பு நூற்றுப்பத்து வருஷம் உயிரோடிருந்தான்.
English:- Joseph Stayed In Egypt, Along With All His Father's Family. He Lived A Hundred And Ten Years
23 - யோசேப்பு எப்பிராயீமுக்குப் பிறந்த மூன்றாம் தலைமுறைப் பிள்ளைகளையும் கண்டான்; மனாசேயின் குமாரனாகிய மாகீரின் பிள்ளைகளும் யோசேப்பின் மடியில் வளர்க்கப்பட்டார்கள்.
English:- And Saw The Third Generation Of Ephraim's Children. Also The Children Of Makir Son Of Manasseh Were Placed At Birth On Joseph's Knees.
24 - யோசேப்பு தன் சகோதரரை நோக்கி: நான் மரணமடையப் போகிறேன்; ஆனாலும் தேவன் உங்களை நிச்சயமாய்ச் சந்தித்து, நீங்கள் இந்தத் தேசத்தை விட்டு, தாம் ஆபிரகாமுக்கும் ஈசாக்குக்கும் யாக்கோபுக்கும் ஆணையிட்டுக் கொடுத்திருக்கிற தேசத்துக்குப் போகப் பண்ணுவார் என்று சொன்னதுமன்றி;
English:- Then Joseph Said To His Brothers, "I Am About To Die. But God Will Surely Come To Your Aid And Take You Up Out Of This Land To The Land He Promised On Oath To Abraham, Isaac And Jacob."
25 - தேவன் உங்களைச் சந்திக்கும்போது, என் எலும்புகளை இவ்விடத்திலிருந்து கொண்டுபோவீர்களாக என்றும் சொல்லி; யோசேப்பு இஸ்ரவேல் புத்திரரிடத்தில் ஆணையிடுவித்துக்கொண்டான்.
English:- And Joseph Made The Sons Of Israel Swear An Oath And Said, "God Will Surely Come To Your Aid, And Then You Must Carry My Bones Up From This Place."
26 - யோசேப்பு நூற்றுப்பத்து வயதுள்ளவனாய் மரித்தான். அவனுக்குச் சுகந்தவர்க்கமிட்டு, எகிப்து தேசத்தில் அவனை ஒரு பெட்டியிலே வைத்துவைத்தார்கள்.
English:- So Joseph Died At The Age Of A Hundred And Ten. And After They Embalmed Him, He Was Placed In A Coffin In Egypt.
